Domesday Book

S Domesday Book [ˈduːmzdeɪ ˌbʊk], änglisch „Buech vom Jüngste Daag“, ursprünglig King’s Roll oder Winchester Roll, isch e Grundbuech vo Ängland, wo uf Latiinisch d Resultaat vo Ermiddlige im ganze Land im 11. Joorhundert festhaltet. Dr ungwöönligi Naame vom Buech het sich im Joorhundert noch dr Erheebig iibürgeret. Er het sich druf bezooge, ass d Grundbsitzverheltniss, wo im Domesday Book iidräit si, as rächtlig „ändgültig“ gulte häi.